Тәнтәнини «Санаәтчиләр, тижарәтчиләр вә йеза егилиги хадимлири ассоциацияси» жумһурийәтлик жәмийәтлик фондиниң президенти, «Қазақстан меценатлар клубиниң» рәиси, көрнәклик тижарәтчи Дилмурат Кузиев киришмә сөз билән ачти. Натиқниң сөзидин мәлум болғинидәк, мәзкүр клуб Қазақстан Жумһурийитиниң Президенти Нурсултан Назарбаевниң 2000-жили Қазақстан хәлқигә йоллиған әнъәнивий Мәктүбидә ижадий зиялилар аммисини һәм маддий, һәм мәнивий жәһәттин қоллапқувәтләш тоғрилиқ тәшәббусиға әмәлий жавап бериш мәхситидә тәшкил қилинған еди. Шуниңдин бу ян өткән вақит ичидә көплигән ижаткарлар вә исимөшәрипи елимизға кәң мәлум дөләт вә жәмийәт әрбаплири «Илһам» мукапитиниң лауреати аталди.
СКАЧАТЬ Вручение премии Ильхам творческой интеллигенции, газета «Уйгур авази», апрель, 2013 год.PDF
